دنیا بھر میں قراٰن وسنت کی تعلیمات کو عام کرنے والی عاشقان رسول کی مدنی تحریک دعوت اسلامی کی مجلس نشرواشاعت کے تحت استقبال رمضان کے سلسلے میں مرکزالاولیاء لاہور کے پریس کلب میں مدنی حلقہ ہواجس میں پریس کلب کے صدرفوٹوجرنلسٹ ایسوسی ایشن محمداقبال چوہدری،جنرل سیکریٹری فوٹوجرنلسٹ ایسوسی ایشن پرویزالطاف، صحافی شہبازانور، عظیم قریشی، تنویرزیدی، عمران شیخ، لاہور پریس کلب کے ممبرنصراللہ ملک،جمیل شیخ،طارق سعید،عمرشریف، وسیم بابر، عمرفاروق، مبشرحسین سمیت دیگرسینئر صحافیوں اور کیمرہ مینز نے شرکت کی۔ مبلغ دعوت اسلامی نے رمضان المبارک کی فضیلت کے حوالے سے سنتوں بھرا بیان کیا اور شرکا کو رمضان المبارک میں ایک ماہ کے اعتکاف کی ترغیب دلائی۔مدنی حلقے کے اختتام پر صحافی حضرات نے مدنی چینل کو اپنے تاثرات دیتے ہوئے دعوتِ اسلامی کی دینی خدمات کو سراہا۔